სიცოცხლის ჟღერა

წვიმის წვეთის ხმაში მსმენია,

ფესვის ჩურჩულში,

არა მარტო დროის შრიალში,

მშვენიერების,

უკვდავების ტურფა გენია

დამინახია ცისარტყელის დიდ არშიაში.

 

მე მყვარებია

ლურჯ ყანებში ყაყაჩოები,

მე ვარდიც მიყვარს,

უფრო მიყვარს ქარიშხლის შეხლა,

მაგრამ უმეტეს ოცნებებზე

მე მიყვარს ეხლა

საქართველოში

კომუნიზმის ხარაჩოები.

 

აღელვებული ზღვის ღონე მაქვს,

გულში ზღვას ვიტევ,

ჩემი სამშობლოც,

ვით მაისის ღამე თბილია...

 

გავალ ქუჩებში...

და მღერიან ფილაქანებიც

თითქოს იმ სიტყვას,

რაც მე გულში გადამიწურავს,

ვხედავ, ჩემს სახლზე

ფრიალებენ იალქანები!

ფიქრიც, ვით აფრა,

ხალხის გულში

მიჰფრენს, მისცურავს.


1948 წ.